«Өс, Цагда, өс!»

Аманкиев Очир 

МКОУ «Шаттинская СОШ» 

Кетченеровский район 

11 класс 

                      Хөн сарин чилгчәр

                       Хөд хәрүлҗ йовад,

                       Көк ноһан деер

                       Көркхн цагдаг үзүв.

                                      Нилх бичкн цагда

                                      Даарад, чичрәд кевтнә.

                                      Намаг өөрдәд ирхлә,

                                      Дурта нүдәрн хәләнә.

                       Хурдн  сүргнь альдв?

                       Хәәртә экнь яһсмб?

                      Ямаран йовдл учрв,

                      Яһад энүгән хайсмб?

                                      Һавц догшн чон

                                      Һалзурҗ сүргинь тарав?

                                      Хорлач болсн күн

                                      Хаҗ экинь алв?

                         Цагдаг теврҗ авад

                         Хошурн би ирүв.

                         Өткн үкрин үсәр

                         Өлн гесинь цадхув.

                                     Өс, цагда,өс!

                                     Менд амулң йов!

                                     Мана хальмг теегин

                                     Мөңк зөөрнь бол!